منتـــــــدى دقات القلب

تعليم ودراسة
 
دخولالرئيسيةالتسجيلالبوابةاليوميةمكتبة الصورس .و .جبحـثالأعضاءالمجموعات
بحـث
 
 

نتائج البحث
 
Rechercher بحث متقدم
المواضيع الأخيرة
» الأعداد الصحيحة
الجمعة فبراير 06, 2015 7:21 am من طرف Admin

» ضرب اي عدد في 5
الأربعاء أغسطس 20, 2014 6:32 am من طرف Admin

» قابلية القسمة
الأربعاء فبراير 12, 2014 10:20 am من طرف أمة الله

» العوامل والأعداد الأولية
الثلاثاء ديسمبر 10, 2013 8:41 am من طرف Admin

» على المضاعفات
الثلاثاء ديسمبر 10, 2013 8:10 am من طرف Admin

» تمارين متنوعة
الثلاثاء أكتوبر 22, 2013 2:04 pm من طرف أمة الله

» للمتفوقين
الإثنين أكتوبر 14, 2013 12:18 am من طرف Admin

» تمارين متنوعة
الإثنين أكتوبر 14, 2013 12:07 am من طرف Admin

» الارتفاع (تعريفه -أعداده)
السبت أغسطس 31, 2013 10:20 am من طرف Admin

» برنامج تحويل اوفيس 2003 الى 2007 والعكس
الثلاثاء أغسطس 06, 2013 12:39 am من طرف Admin

ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 مسرحيات للرياضيات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

ذكر
عدد الرسائل : 705
العمر : 59
الموقع : منتدى دقات القلب
العمل/الترفيه : موجه رياضيات
المزاج : الحمد لله تمام
تاريخ التسجيل : 03/05/2008

مُساهمةموضوع: مسرحيات للرياضيات   الأحد فبراير 24, 2013 9:25 pm

مسرحية اشكال هندسيه على وشك الزواج



شبه المنحرف للدائرة : من فضلك ياآنسة ، أنا طالب القرب .

الدائرة : حدد ألفاظك لو سمحت ، يعني ايه طالب القرب .

شبه المنحرف : قصدي يعني طالب التماس .

الدائرة : طيب روح قابل بابا ، أنا مابتكلمش مع حد .

شبه المنحرف : طيب ممكن اعرف العنوان ؟

الدائرة : أيوه ، آخر الطريق الدائري ، أول دوران على ايدك اليمين ، هتلاقي الدوار بتاعنا هناك .

شبه المنحرف: خلاص بكرة هكون عندكو الساعة 5 تمام .

الدائرة : كويس خالص عشان انا بحب الرقم 5 دا قوي ، طبعا انت عارف ليه ، هخلي بابا يستناك .

في المنزل

الاب يرحب بشبه المنحرف : أهلا وسهلا يابني ، ياترى ممكن أتعرف باسمك ؟

شبه المنحرف : شبه المنحرف يافندم .

الاب : انت اتجننت ياأفندي ، هي بنات الناس لعبة ؟ اسمك شبه المنحرف وجاي تخطب بنتي .

شبه المنحرف : فيه ايه بس ياعمي ؟ انا قلت حاجة غلط ؟

الاب : طبعا ، انهاردة شبه منحرف بكرة هتبقى منحرف ، وأنا لايمكن اجوز بنتي لواحد منحرف .

شبه المنحرف : ههههه ، لا ياعمي ، اطمن ، دا مجرد اسم ، انما أنا كل أضلاعي مستقيمة والحمدلله ، وكمان عندي ضلعين متوازيين .

الاب : طب ومالك واقف معووج كدا يابني ؟

شبه المنحرف : لا ، أبدا ، أصل انا مش متساوي الساقين .

الاب : ودا من ايه بقى ؟ حادثة دي ولا ايه ؟

شبه المنحرف : ههههههههه ، الله
يضحكك ياعمي ، لا لا ، في الحقيقة دي طبيعة عيلتنا ، لكن فيه بعض أفراد
مننا ربنا بيكرمهم وبتطلع سيقانهم متساوية ، هنقول ايه ، نصيب بقى .

الاب : طيب عندك مؤهلات تانية يابني ؟

شبه المنحرف : ماظنش ياعمي ، أنا قلت لك كدا كل حاجة عني ، شكلك كدا مش موافق علي .

الاب : لا أبدا يابني ، احنا بنشتري شكل هندسي ، بس اديني فرصة أفكر .

شبه المنحرف : براحتك ياعمي ، بس ماتتأخرش علي ، سلام عليكو .

فيما بعد تنظر الدائرة من الشباك فتخاطب والدها قائلة : بابا ، بابا ، أنا شايفة من الشباك واحد طول بعرض جاي ناحية بيتنا .

الأب : واحد طول بعرض ؟ أما نشوف يطلع مين دا كمان .

صوت طرقات على الباب ثم يدخل
المستطيل فيخاطب الأب : مساء الخير ، أقدم لك نفسي ياعمي ، أنا المستطيل من
عيلة الأشكال الرباعية اللي على أول الشارع .

الأب : أهلا بيك يامستطيل يابني ، دا لسة واحد من عيليتكو ماشي دلوقت ، وكان فيه شبه كبير منك .

المستطيل : لا ، لا ، أعوذ بالله ، دا أمثاله شبهة لعيلتنا ، دا جاب لنا العار من يوم مابقى عنده ضلعين مش متوازيين .

الاب : ماتتفضل تقعد يابني .

المستطيل : لا ، ماقدرش ياعمي ، أنا لازم افضل قايم على حيلي كدا عشان الزوايا بتاعتي كلها قايمة .

الاب : ياسلام ، دي حاجة كويسة قوي .

المستطيل : لا وإيه ، كل ضلعين متقابلين عندي متوازيين ومتساويين .

الأب : كمان ؟

المستطيل : والقطرين بينصفوا بعض ، بس اهم حاجة زي ماقلت لحضرتك ان انا الشكل الوحيد اللي زواياه الأربعة قائمة .

الاب : آه يانصاب يااونطجي ، انت
فاكرني مش فاهم حاجة في الرياضيات ؟ دا أنا كنت بجيب خمسة ونص من عشرة في
امتحان الرياضيات ، وعارف ان فيه شكل تاني غيرك عنده أربع زوايا قايمة .

المستطيل : ههههههه ، آه ، أكيد تقصد المربع ، لا ، لا ، دا يعتبر حالة خاصة مني ، يعني تقدر تقول كدا ان أنا الأب الروحي بتاعه .

الأب : الأب الروحي بتاعه ؟ هو انت كنت متجوز قبل كدا ولا ايه ؟

المستطيل : لا ياعمي ، ماتفهمنيش
غلط ، كل الحكاية ان المربع هو مستطيل بس متساوي الاضلاع ، يعني طوله قد
عرضه ، هههههههه ، شفت بقى الحكاية بسيطة ازاي ؟

الاب : طيب يابني ، احنا تشرفنا بيك ، بس اديني فرصة افكر .

المستطيل : براحتك ياعمي ، بس ماتتأخرش علي ، سلام عليكو .

صوت طرقات على الباب فتذهب البنت لتفتح ثم تعود .

البنت : بابا ، فيه واحد معين عاوز يقابلك .

الاب : يطلع مين يابنتي الواحد المعين ده ؟

البنت : أنا عارفة ؟ بيقول لي قولي لبابا فيه واحد معين عاوز يقابلك .

الاب : يابنتي ، ماهو أي حد في
الدنيا بيبقى واحد معين ، انتي هتجننيني ؟ دا ايه الهبل اللي انت فيه ده ؟
أنا عارف جايين يخطبوكي على ايه ؟ هما انتصوا في نظرهم ؟ ماعلينا ، خليه
يدخل أما نشوفه عاوز ايه دا كمان .

يدخل المعين فيخاطب الأب : أنا
بقى ياعمي مش هتلاقي احسن مني لبنتك ، سيبك بقى من البتاع المنحرف ده
والمستطيل اللي متشنج عالفاضي ، آل ايه ، مابيعرفش يقعد عشان زواياه قايمة ،
دا قصر ديل ده ، أنا بقى اللي فيهم ، أميل يمين ، اميل شمال ، ماحدش قدي .

الاب : طب وايه تاني يابني ؟

المعين : عندي كل زاويتين
متقابلتين متساويتين ، وأقطاري بتنصف بعضها ومتعامدين على بعض كمان ، أظن
جديدة حكاية تعامد الاقطار على بعض دي ؟ يجننوا وهما متعامدين ، مش كدا ؟
وغير كدا ، أضلاعي كلها متساوية ، صدقني ياعمي أنا الوحيد اللي هيقدر يسعد
بنتك ، دا كفاية جوز بنتك يبقى معين ، هو حد لاقي تعيين اليومين دول ؟

الأب : عندك حق يابني ، بس اديني فرصة افكر .

المعين : براحتك ياعمي ، بس ماتتأخرش علي ، سلام عليكو .

بعد قليل يسمع الأب صوت ضوضاء فيسأل البنت : ابه يابنتي الدوشة الل بره دي ؟

الدائرة : دي مزيكة حسب الله يابابا بتضرب سلام مربع ، ياترى فيه ايه ؟

الاب : سلام مربع ؟ ياترى مين اللي جاي دا ؟

صوت طرقات على الباب ثم يدخل المربع .
مساء الخير ياعمي .

الاب : اهلا يابني .

المربع : بقى شوف بقى ياعمي من الآخر كدا ، من الآخر ، أنا واد خلاصة لاصة ومية مية .

الاب : احنا هنقلبها مغنى ولا ايه ؟ ماعلينا ، ايه المناسبة انك خلاصة يعني ؟

المربع : انا عاوزك ياعمي تنسى كل اللي سمعته من الاشكال الثانية ، امسحه باستيكة .

الأب : ياساتر ، ليه يابني بتجيب
سيرة الاستيكة ؟ مانت عارف انها عدوتنا كلنا ، دي بتنزل علينا تبهدلنا ،
وخصوصا في التمارين اللي الطالبات بيعملوا فيها عمل ، تلاقي الطالبة من دول
ترسم العمل وبعدين تمسحه ، وبعدين ترسم عمل تاني وتمسحه ، والتمرين مش
محتاج عمل من أساسه .

المربع : ماعلينا ياعمي ، العمل
عمل ربنا ، بس أنا هسأل سؤال واحد ، ايه اللي انت سمعته قبل كدا ومش موجود
في ؟ زوايا قائمة وموجودة ، أضلاع متساوية فيه ، أقطار بتنصف بعضها
ومتعامدة على بعض متوفر ولله الحمد ، كل ضلعين متقابلين متوازيين ، فيه اب
يتمنى اكتر من كدا لبنته ؟ يعني متهيأ لي نقرا الفاتحة ونتوكل على الله ،
هات ايدك .

الأب : لا استنى يابني ، لازم ناخد رأي العروسة الأول ، دورية ، يادورية ، تعالي يابنتي .

المربع : هي اسمها دايرة ولا دورية ياعمي ؟

الاب : هي في شهادة الميلاد اسمها
"دائرة" لكن المدرسين والطلبة بيسموها "دايرة" أما في البيت فاسمها
"دورية" ، بنت بقى وعاوزة تتدلع ، ههههههههه .

تدخل الدائرة ، وماان يراها المربع حتى يصرخ : يانهار اسود ، هي دي العروسة ؟

الاب : ايوه يابني ، فيه ايه ؟

المربع : دي ، دي ، دي مافيهاش ولا ضلع واحد يوحد ربنا .

الاب : ايوه ، ماهي طول عمرها كدا يابني ، هي عبارة عن شوية نقط على ابعاد متساوية من المركز ، هتجيب الاضلاع منين بس ؟

المربع : آه ، انتو شكلكو كدا
عيلة بتحبوا اللف والدوران ، دا انتو مافيش عندكو حاجة مستقيمة خالص ، دا
الدايرة من دول لما يرسموا جواها مستقيم بيقطع المحيط تعملوا فرح وتسموه
"وتر" ، آل وتر آل ، وآل ايه لو رسمنا خط في منتصف الوتر وعمودي عليه يمر
بمركز الدايرة ، تقولش هيمر بمركز "طنطا" ياخي (طنطا هي البلدة التي يقيم
بها الكاتب وتوجد بها المدرسة) .

الاب : لا ، اقف عند حدك ، بنتي
اللي مش عاجباك دي ممكن تطبق جواها عشرين واحد من أمثالك لو حطيتو راسكو
عالمحيط بتاعها تطبقوا كلكو ، فاهم ولا لأ ؟

المربع : انتو شكلكو عيلة معقدة ،
آل ايه ، المحيط "2 ط نق" والمساحة "ط نق تربيع" ، تطلع ايه نق دي ؟؟ هه ،
رد علي ، ولا "ط" دي كمان ، مرة ب 22 على 7 ومرة 3.14 ، شوف البساطة
بتاعتي ، المحيط الضلع في اربعة والمساحة الضلع في نفسه ، حرام عليكو ، 2 ط
نق إيه ؟ دا البنات بتوع اعدادي مش حافظين جدول الضرب أساسا ، وتقول لي 2 ط
نق ؟

الاب : انا بحذرك ، انت شفت فيلم "دائرة الانتقام" بتاع نور الشريف ؟

المربع : أيوه شفته .

الأب : أهه انا بقى اللي كنت بمثل دور دائرة الانتقام في الفيلم ، انت مش قدي .

المربع : ياعم ، دا العمر واحد
والرب واحد ، أنا هرجع لعيلتي واخواتي تاني ، بعد مالدائرة وقعت بيننا ،
سامحوني ياخواتي ، سامحني ياشوشو (شبه المنحرف)، سامحني ياميسو (المستطيل) ،
سامحني يامعمع (المعين) ، دانتو حبايبي ، منك لله يادايرة ، منك لله ، منك
لله
\مسرحية "عودة المستطيل"\



تدخل المذيعه و معها الميكرفون و تتحدث الى الجمهور
المذيعه: برنامج أخبار الاشكال الهندسية يرحب بالسادة المشاهدين و يقدم لكم هذا الحدث على الهواء مباشرة.
" يخرج عدد من الاشخاص من عده اتجاهات فى حركة عشوائية " يجرى كل منهم مسرعا" و توقف المذيعه احدهم"
المذيعه: لو سمحت ممكن ان تخبرنا ماذا يحدث بالضبط؟
احد الافراد: المستطيل يريد أن يهدم الدنيا و يقلبها فوق دماغنا .ربنا يستر...ربنا يستر
"و يجري مسرعا"
المذيعه مع احد الافراد الاخرين: ماذا فعل المستطيل؟
احد الافراد الاخرين: المستطيل ...المستطيل لا يريد أن يبقى مستطيل........
"يدخل متوازى الاضلاع(رجل كبير فى السن ممسكا بعصا يستند عليها) يمشى ببطءو هو يبكي و تقترب منه المذيعه "
المذيعه : ممكن نتعرف على حضرتك؟
متوازى الاضلاع:انا اسمى متوازى الاضلاع بن الشكل الرباعي بن المضلعات تعريفي هو اننى شكل رباعي عندي كل ضلعين متقابلين متوازيين.
المذيعه:ما هي خواصك؟
متوازى الاضلاع:خواصى هى كل ضلعين متقابلين عندي متساويين و كل زاويتين متقابلتان متساويتان و القطران ينصف كل منهما الاخر.
المذيعه:ممكن تخبرنا لماذا تبكي؟
متوازى الاضلاع:ابني.......ابني ....ابنى المستطيل ترك المنزل و اختفى و
قال انه لن يعود ثانية و انه لا يريد أن يظل مستطيلا و لذلك الناس خائفة
جدا و مرعوبة لان ذلك لو حدث سنتتغير اشياء كثيرة فى العالم و اشياء اخرى
ستقف و تتعطل.
المذيعه : لماذا غضب المستطيل و ترك المنزل؟
متوازى الاضلاع:تخاصم مع اخيه المربع.
المذيعه:كم ولد لديك ؟
متوازى الاضلاع:انا عندي ثلاثة اولاد هم المعين و المستطيل و المربع و هم الذين خرجت بهم من الدنيا و قد اخذوا خواصي الثلاثة.
و كل ابن له خواصه التى تميزه عن اخيه و تعينهم على مواجهة الحياه ما عدا
المربع- ابنى الاصغر- هو الذي اكتسب خواصنا جميعا و نصيبه هكذا.
كما أن امه وصت عليه عند مماتها و قالت لى:يا متوازى الاضلاع "خللي بالك" من ابننا المربع لانه اصغر الاولاد.
و نحن طول عمرنا أسرة متماسكة و سعيدة و اي شخص يحتاج لنا نكون جاهزين فى
الحال نساعده فى ايجاد حل المسائل و التمارين الهندسية باستخدام خواصنا
التى ننفرد بها.
يبدو يا سيدتى اننا قد اصابنا الحسد.
"يحدث صوت عالى و يدخل المعين مندفعا يشمر ذراعيه و يقترب من المذيعه"
المعين:اين هذا المستطيل اللعين؟
انى ساطبق اضلاعه الاربعه اليوم بل سوف اجعل زاويته القائمة زاوية حادة ,و
سوف اجعله مثلثا بدلا من كونه مستطيلا ,ليس هذا فقط بل ساجعله مقعرا بدلا
من محدبا.
المذيعه:ممكن تهدأ لو سمحت و تعرفنا بك؟
المعين:اسمى المعين بن متوازى الاضلاع بن الشكل الرباعي بن المضلعات يعرفنى الناس بالضلعان المتجاوران المتساويان.
المذيعه:ما هي خواصك؟
المعين:اضلاعى الاربعه متساوية و اقطاري متعامده و تنصف الزاوية المقابلة لها.
المذيعه: هل نفهم من ذلك انك أخو المربع و المستطيل؟
المعين:نعم يا سيدتى
المذيعه:ممكن نعرف لماذا أنت غاضب هكذا؟
المعين:يا سيدتي نحن ثلاثة اخوة نعيش معا نرعى ابانا العجوز متوازى الاضلاع
و لكل منا خواصه التى تساعده على أكل عيشه و لكن الشيطان دخل فيما بيننا و
جعل المستطيل يتمرد علينا و يقول لماذا المربع ينفرد بخواص عائلتنا كلها و
انا خواصي قليلة ؟ و امس شتم المربع و ترك المنزل و منذ ذلك الحين و ابانا
حالته النفسية سيئة و حزين جدا و خرج هائما فى البلد يبحث عن اخينا.
هل بعد كل ذلك لا تريدين ان اغضب من المستطيل؟
ليس هذا كل شيء فقد ترك اخى المربع المنزل ايضا و قال: لن أعود الا عندما احضر أخي المستطيل معي.
"يظهر المربع و هو ممسكا بالمستطيل"المذيعه تتحدث الى المربع
المذيعه:ممكن نتعرف عليك و لماذا انت ممسك بهذا الشخص هكذا؟
المربع:انا المربع بن متوازى الاضلاع بن الشكل الرباعي لى ضلعان متجاوران متساويان و احدى زواياي قائمة.
المذيعه:ما خواصك؟
المربع:اضلاعى متساوية و زواياي قوائم و اقطارى متساوية و متعامدة و تنصف الزواية المقابلة لها.
و هذا أخى المستطيل الذي تمرد علينا و يريد ان يعدل من خواصه و شتمنى امس
قائلا لي لماذا اضلاعك متساوية و اقطارك متعامدة وانا لست كذلك و نحن نقول
له و نفهمه ان خواصك هكذا و ستظل هكذا و الناس عرفتك هكذا...لكن دون فائدة.
المذيعة:الان يجب ان نتحدث مع المستطيل و نعرف ما الذي حمله على فعل هذا؟
المستطيل:انا المستطيل بن متوازى الاضلاع بن الشكل الرباعي يعرفنى الناس باحدى زواياي القائمة .
المذيعه:ما خواصك؟
المستطيل: لدي جميع الزوايا قوائم و اقطاري متساوية.
انظرى يا سيدتى كيف ان خواصي قليلة بينما خواص المربع كثيرة و ذلك لان
المربع دائما "مدلع" ليس فى خواصه فقط و انما كل شيئ يطلبه يتم تنفيذه على
الفور.يرضي من هذا يا ناس؟ و لهذا قررت ان لن اظل مستطيلا بعد اليوم و
ساترك هذا العمل الى الابد.
"الكل يجتمع لكى يقنع المستطيل بالعدول عن رايه"
متوازى الاضلاع:يا بنى الا تعرف قيمة نفسك ؟ يبدو انك نسيت انك اساس
المساحات كلها و عندما بدا الناس يفكرون فى المساحات استعملوا قانون مساحة
المستطيل =الطول ×العرض و هذا ساعدهم فى ايجاد مساحة اي شكل رباعي اخر.و
الناس لن تنسى لك هذا الجميل ابدا.
المستطيل:يا ابي اذا كنت تتحدث عن المساحة انظر الى المربع و سترى ان
مساحته يمكن ان تنتج بطريقتين هما طول الضلع فى نفسه و نصف مربع قطره اليس
هذا اكبر دليل على انك تحب المربع اكثر؟
يا بنى يكفى أن معظم الاشكال فى الطبيعة على شكلك انت
يا بني ....عد الى صوابك و لا تجعل الاشكال الاخرى تشمت فينا.
المعين: مثلا المدرسة على شكل مستطيل.والكتاب على شكل مستطيل
المربع:البيوت على شكل مستطيل
متوازى الاضلاع:يا بنى هل تريد ان تختفى من الوجود و تغير الكون و تتحول
الى مربع ,كيف يحدث هذا و الناس....الناس كبف ستتعلم و المدارس ستختفى و
الطريق سيختفي و المعرفة...المعرفة ستنتهى ما دام الكتاب الذي على شكل
مستطيل سيختفي.
يا بني ارجع الى صوابك .......حرام عليك.
المستطيل:كفى ..كفى يبدو اننى كنت مخطىء و لن افعل ذلك مرة ثانية.
متوازى الاضلاع: الحمد لله انك عدت الى رشدك .فليجعل الله لك زاوية فى
الجنة و يضعك فى دائرة رحمته و يهديك الى الطريق المستقيم.و ما دام
المستطيل عاد الى رشده لا بد ان نتفق جميعا على معاهدة ان هذا الامر لن
يتكرر مرة اخرى.
"يقف الجميع ما عدا المذيعه فى دائرة واحدة و يهمسوا بعض الوقت ثم يقفوا في صف واحد و ينشدوا معا"
المجموعة: نحن عائلة متوازى الاضلاع اولاد الشكل الرباعي من المضلعات ،
اشكالنا موجودة فى ارجاء الكون.يعرفنا الصغير قبل الكبير,نحن اساس الهندسة
نخدم الجميع بخواصنا التى تميزنا عن غيرنا, نعاهد انفسنا بان نبقى يد واحدة
دائما و ابدا
مســرحـة عـلم الريـاضيــــــات
لكل أبنائنا طلبة وطالبات المرحلة الأعدادية
هذه فكرة بسيطة لعرض بعض المعلومات عن المجموعة والزوج المرتب لعلها ترسخ فى الاذهان ان شاء الله
على غرار البرنامج الشهير ( الاتجاه المعاكس ) : مع الاعتذار للاستاذ / فيصل
عقدت مناظرة بين الست { مجموعة } والاستاذ ( الزوج المرتب )
وقام بدور المذيع الذى يهدى النفوس الاستاذ ( جبر )
وقد طرح الاستاذ / جبر سؤالا الى كلا الضيفين فجر به القضية
قائلا :
يا ست مجموعة يا استاذ جبر
ما الذى يراه كلا منكما من اوجه التميز عن الاخر ؟
قالت الست مجموعة :
ان عناصرى توضع بين قوسين من النوع { }
فقاطعها الزوج المرتب قائلا :
وانا توضع عناصرى بين قوسين من النوع ( )
قالت المجموعة :
اما عناصرى فقد تكون كثيرة جدا ام صاحبنا فبه عنصران فقط
فقال الزوج المرتب :
وانت قد لا يكون بك اى عنصر وتكونين فى هذه الحاله مجموعة خاليه
وانا بى عنصران صحيح دائمين وانت قد تكونين بلا عناصر
وقليل دائم خير من كثير غير دائم!!!!!
قالت المجموعة :
انا قد اكون خالية او منتهيه او غير منتهيه
وانا منى المجموعات الجزئية الفعليه والغير فعليه
وانا اكتب بطريقتين السرد ( القائمة ) مثل س = { 7، 9 ، 4 }
و الصفه المميزة مثل س = { ل : ل احد ارقام العدد 497 }
اما صاحبنا 0000 فقاطعها الاستاذ جبر يا ست مجموعة تكلمى عن نفسك فقط لو سمحتى
فطأطأ الزوج المرتب قوسه ولم يعقب لانه لا يملك كل هذه المميزات التى تكلمت عنها المجموعة
قالت المجموعة :
وانا استخدم رمز الانتماء للتعبير عن وجود عنصر بين عناصرى مثل 8 ينتمى الى { 7 ، 8 }
فقال الزوج المرتب :
صحيح انا لا استخدم رمز النتماء للتعبير عن وجود عنصر بين عناصرى ولكننى
استخدمه اذا وجدت داخل عناصر حاصل الضرب الديكارتى مثل ( 4 ، 5 ) ينتمى
الى {( 2 ، 3 ) ، ( 4 ، 5 )}
واستطرد قائلا : ثم اننى اتميز عن سيادتك باننى مرتب والترتيب هو اهم صفاتى
مثلا ( 6 ، 7 ) لا يساوى ( 7 ، 6 )
اما انت { 6 ، 7 } = { 7 ، 6 } كله زى بعضه سمك لبن تمر هندى
فتدخل الاستاذ جبر علشان يسخن المناظرة شويه فقال :
يا سيد زوج مرتب من فضلك بلا تجريح تكلم عن نفسك فقط
فقال الزوج المرتب :
لولاى لما استطعنا ان نعبر عن وجود نقطة فى مستوى الاحداثيات ط *ط او ص * ص او ح * ح
لولاى لما استطاعت سيادتها ان تضرب فى مجموعة اخرى
فمن غير المعقول ان نقول { 2 } فى { 3 } = { 6 } فهذا خطأكبير
والصواب { 2} فى { 3 } = { ( 2 ، 3 ) }
فقال الاستاذ جبر :
اذن ها انتم الان ظهرت لكم الحقيقة فانتم احبة واخوات ولكل منكم اهميته فى الرياضيات
وارجو ان تخرجا من هنا متحابين
مدى يا ست مجموعة قوسك لتصافحى قوس اخوك الزوج المرتب فى محبه
وفى نهاية اللقاء سيداتى وسادتى هل بقى السؤال حائرا
ما وجه الاختلاف او التميز بين المجموعة والزوج المرتب
الجواب عندكم
كان معكم جبر المهندس
نلتقى فى الاسبوع المقبل بحول الله
والسلام عليكم ورحمة الله وبركاته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://daqat-qalb.new-forum.net
 
مسرحيات للرياضيات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتـــــــدى دقات القلب :: الصف السادس-
انتقل الى: